GAU-ს კურსდამთავრებულები

საქართველოს ეროვნული ბანკი

"მეორე კურსის დასასრულს გავიარე ტესტირება და გასაუბრება საქართველოს ეროვნულ ბანკში, სადაც იმავე ჯგუფის 5 სტუდენტი ფინანსური ბაზრების დეპარტამენტში 3 თვიანი კონტრაქტით დაგვასაქმეს. მას შემდეგ, რაც სტაჟირების ვადა ამოიწურა, ეროვნული ბანკის წარმომადგენლებმა გადაწყვიტეს ჩვენთან გრძელვადიანი თანამშრომლობის ხელშეკრულება გაეფორმებინათ..."

პროფესორები და ლექტორები

მანანა ტაბიძე 2001 წლიდან არჩეულია ნიუ-იორკის მეცნიერებათა აკადემიის ნამდვილ წევრად და ამერიკის ეთნოპოლიტიკურ კონფლიქტთა შემსწავლელი ცენტრების "ენობრივი პოლიტიკისა და ენობრივი დაგეგმვის საერთაშორისო კონსორციუმის” ინდივიდუალურ წევრად...

გიორგი ბრეგვაძე

2013 წლის გამოშვება
ბიუჯეტის ანალიტიკოსი
JTI Caucasus LLC

2013 წელს დავამთავრე ქართულ-ამერიკული უნივერსიტეტის ბიზნესის ადმინისტრირების საბაკალავრო პროგრამა ფინანსური განხრით. GAU-მ საშუალება მომცა მიმეღო საერთაშორისო სტანდარტების შესაბამისი განათლება.

GAU-ში სწავლის პერიოდში გამუდმებით მსურდა აქ შეძენილი ცოდნისა და უნარების რეალიზება. ამის შესაძლებლობა მომეცა მესამე კურსზე, როდესაც სტაჟირება დავიწყე სადაზღვევო კომპანია შპს „პსპ დაზღვევა''-ში, სადაც მალევე დამაწინაურეს და გავხდი ამ კომპანიის ფინანსური დეპარტამენტის სრულფასოვანი წევრი ავტო-დაზღვევის მიმართულებით.

მეოთხე კურსის დასასრულს, 2013 წელს, არაერთი შემოთავაზება მივიღე სხვადასხვა ვაკანტურ პოზიციაზე, როგორც GAU-ს რეკომენდაციით, ასევე საკუთარი ძალისხმევის შედეგად. საბოლოოდ, შესაძლებლობა მომეცა, რომ კარიერა გამეგრძელებინა საერთაშორისო კომპანია JTI Caucasus LLC-ში ფინანსურ დეპარტამენტში, ფინანსური სტაჟიორის თანამდებობაზე ბიუჯეტირების მიმართულებით, სადაც დღემდე ვმუშაობ.

აქ მუშაობის პროცესში, საშუალება მეძლევა სრულფასოვნად გამოვიყენო GAU-ს მიერ მოწოდებული განათლება და გამოცდილების ის ნაწილი, რომელიც ამ უნივერსიტეტში სწავლის პერიოდში სხვადასხვა პროექტებში მონაწილეობით შევიძინე. სწორედ ამიტომ აქაური განათლება გამოირჩევა შემდეგი მახასიათებლებით:

  • საერთაშორისო დონის განათლება, რამაც ხელი შეუწყო ჩემი ცოდნის რეალიზაციას საერთაშორისო კომპანიაში
  • კონკრეტულად შერჩეული საგნები, რაც მეხმარება გამოვიყენო ზუსტად ის ცოდნა, რასაც მოითხოვს ჩემი სამუშაო გარემო
  • ანალიტიკური აზროვნებისა და ტექნიკური უნარების განვითარების შესაძლებლობები, რაც ჩემი წარმატების ერთ-ერთ ფაქტორად შემიძლია დავასახელო

ყოველივე ამის შეძენა შესაძლებელია ქართულ-ამერიკულ უნივერსიტეტში დაუღალავი სწავლით, ამიტომ წარმატებას ვუსურვებ GAU-ს ახალ სტუდენტებს მათ კარიერაში, რომელსაც საფუძველი სწორედ ქართულ-ამერიკულ უნივერსიტეტში ეყრება.