GAU-ს კურსდამთავრებულები

ელ-კომერციის საერთაშორისო კომპანია OSG

"უცხოელ პარტნიორებთან და ინვესტორებთან მოლაპარაკებისას ფასდაუდებელ დახმარებას მიწევს ქართულ-ამერიკულ უნივერსიტეტში ინგლისურ ენაზე შესწავლილი ბიზნეს კომუნიკაციებისა და მარკეტინგული ტერმინოლოგიის ფლობა..."

პროფესორები და ლექტორები

არჩილ იაკობაშვილი სწავლობდა ლივერპულისა (ინგლისი) და კონსტანცის (გერმანია) უნივერსიტეტებში შემდეგი მიმართულებებით: საერთაშორისო ეკონომიკური ურთიერთობები; ფინანსები; სამართალმცოდნეობა. 2011 წელს მას მიენიჭა ეკონომიკის დოქტორის სამეცნიერო ხარისხი...

გიორგი მამათელაშვილი

2011 წლის გამოშვება
მაგისტრანტი
Williams College

ქართულ-ამერიკული უნივერსიტეტის ბიზნესის სკოლა ფინანსების განხრით, კერძოდ რაოდენობრივი ანალიზის სპეციალობით, 2011 წლის ივნისში დავამთავრე.

ბაკალავრიატის დამთავრებამდე 6 თვით ადრე, სწავლის პარალელურად, დავიწყე მუშაობა ფინანსთა სამინისტროს სსიპ საფინანსო ანალიტიკურ სამსახურში სტაჟიორად, 6 თვის შემდეგ, უნივერსიტეტის დამთავრებისთანავე გავხდი ანაზღაურებადი მუშაკი იმავე დეპარტამენტში ანალიტიკოსის თანამდებობაზე.

10 აგვისტოდან ვაგრძელებ სწავლას მაგისტრატურაზე „Williams College”-ში ამერიკის შეერთებულ შტატებში, მასაჩუსეთსის შტატში.

GAU-ში მიღებულ განათლებას ყოველდღე ვიყენებ ჩემს სამუშაო ადგილზე. უნივერსიტეტის მთავარ უპირატესობად მივიჩნევ რაოდენობრივი ანალიზის განხრის არსებობას (Quantitative analyst), რაც მოიცავს ისეთი საგნების სწავლის შესაძლებლობას (Fixed income, Investment, Value at Risk…), როგორებიც არ გვხვდება თბილისის სხვა უნივერსიტეტებში.

ასევე, უნდა აღინიშნოს ისიც, რომ სწავლა მიმდინარეობს ინგლისურ ენაზე, რაც დიდი გამოცდილებაა ნებისმიერი ფაკულტეტის სტუდენტისათვის და რამაც ჩემთვის განაპირობა ინგლისური ენის, ტერმინოლოგიისა და გამართული წერის უნარის (ფორმალური და არაფორმალური) ფლობა.