GAU-ს კურსდამთავრებულები

შპს საოჯახო მედიცინის ქართულ-ამერიკულ კლინიკა Medical House

2011 წელს დავამთავრე ქართულ-ამერიკული უნივერსიტეტის სამართლის, სოციალური მეცნიერებების და დიპლომატიის სკოლის ბაკალავრიატი, ამავე წელს ჩავაბარე მაგისტრატურაზე სამოქალაქო სამართლის განხრით და 2013 წელს მომენიჭა მაგისტრის ხარისხი. უნივერსიტეტში გატარებული წლები იყო ძალიან...

პროფესორები და ლექტორები

თამარ კიკნაძეს განათლება მიღებული აქვს მოსკოვის დიპლომატიური აკადემის დოქტორანტურაში, ინგლისის ლონდონ-პარკის სკოლაში, თბილისის მენეჯერთა სკოლაში, თბილისის უცხო ენათა ინსტიტუტიში, 1988 წელს გაიარა სტაჟირება უნგრეთში, ქ. ავსტრიაში - ეკონომიკური განათლების სკოლაში, 2000-2001 წლებში მოსკოვის სახელმწიფო უნივერსიტეტში გაიარა კვალიფიკაციის ამაღლების კურსები...

კორნელი კვერნაძე

2011 წლის გამოშვება
ფინანსისტი
Caucasus Road Project 

აბიტურიენტობის პერიოდში მეც, ისევე როგორც აბიტურიენტთა უმრავლესობა, დავდექი უნივერსიტეტის არჩევის დილემის წინაშე. ბევრი ფიქრის შემდეგ, მეგობართა რჩევით ავირჩიე ქართულ-ამერიკული უნივერსიტეტი, ბიზნესის სკოლა და არც შევმცდარვარ.

ჩაბარებამდე ვერც კი წარმოვიდგენდი რამხელა ცოდნის და გამოცდილების მოცემა შეეძლო ამ უნივერსიტეტს. სწავლის პერიოდში ყოველდღიურად ვიძენდი რაღაც ახალს და ჩემს სიხარულს საზღვარი არ ქონდა ხოლმე, როდესაც წლის ბოლოს ჩავუფიქრდებოდი რამდენი რამ შემძინა უნივერსიტეტმა.

ძალიან ტკბილად მაგონდება GAU-ში გატარებული თითოეული დღე. უკვალოდ არასოდეს ჩაუვლია სწავლისაგან უძილო და მშიერ ღამეებს, მაგრამ სტუდენტობის ხიბლიც ხომ ამაშია?! ფინალური გამოცდების კარგი შედეგები ყველა ხათაბალას გავიწყებს რაც მეცადინეობისას გადაგხდენია და ამაყად დააბიჯებ GAU-ს დერეფნებში, თითქოს მთელი უნივერსიტეტი შენ გეკუთვნოდეს.

უნივერსიტეტი 2011 წელს დავამთავრე, ფინანსების განხრით და ჯერ დიპლომიც არ მქონდა ხელში აღებული ისე სწრაფად მოხდა ჩემი დასაქმება. დამიკავშირდნენ CRP-დან და პერსონალურ გასაუბრებაზე დამიბარეს. ძალიან ვღელავდი, მაგრამ გასაუბრებისას აღმოვაჩინე რომ ყველა დასმულ კითხვას რაღაც უნებლიედ, თითქოს თავისით ვპასუხობდი... არ ქონდა მნიშვნელობა რას მეკითხებოდნენ, ეს იყო ფინანსებიდან, ბუღალტერიიდან, მარკეტინგიდან თუ მენეჯმენტის პრინციპებიდან, ყველა პასუხი თავისით მოდიოდა. კმაყოფილმა და ამასთანავე გაოგნებულმა დავტოვე გასაუბრების ოთახი და პირველი რა სიტყვებიც აღმომხდა, ეს იყო "მადლობა GAU-ს!".

მართლაც, რომ მადლობა GAU-ს, შეუფასებელია ის პროფესიონალიზმი და სწავლების მეთოდი რასაც ჩვენი უნივერსიტეტი სთავაზობს სტუდენტებს, ის გარემო და თბილი ატმოსფერო სადაც გვიწევდა სტუდენტობის გატარება ძალიან ტკბილად მაგონდება.

რჩევა, რაც მინდა მომავალ GAU-ელებს მივცე, არის რომ არასოდეს თქვათ უარი დასახულ მიზანზე. არ აქვს მნიშვნელობა რა გაქვს მიზნად, უზარმაზარი კორპორაციის CEO-ობა თუ უბრალოდ მერსედეს S ან G კლასი, არასოდეს დანებდე და სწავლა განაგრძე. GAU ის ადგილია, რომელიც ყველა საშუალებას გაძლევს მიაღწიო მიზანს  და ღირსეულად ატარო სახელი "GAU-ელი"!