GAU-ს კურსდამთავრებულები

Delta Systems

GAU-ში მიღებულმა განათლებამ საშუალება მომცა დამოუკიდებლად ამერჩია გზა წარმატებული კარიერისაკენ, რაც გამოცდილი პროფესორებისა და ლექტორების დამსახურებაა. ვფიქრობ, უნივერსიტეტში დანერგილი სწავლის ხარისხის მართვის ახალი სისტემა GAU-ელი სტუდენტების სახით კიდევ უფრო გაზრდის მაღალკვალიფიცირებული კადრების რაოდენობას არა მხოლოდ ქართულ, არამედ საერთაშორისო ბაზარზე...

პროფესორები და ლექტორები

1988 წელს რევაზ თევზაძემ ვილნიუსის სახელმწიფო უნივერსიტეტში დაიცვა საკანდიდატო დისერტაცია, ხოლო 2003 წელს თბილისის ნ. მუსხელიშვილის სახელობის გამოთვლითი მათემატიკის ინსტიტუტში - სადოქტორო დისერტაცია...

მარიამ ბერაძე

2015 წლის გამოშვება
თიბისი ლიზინგი
საკრედიტო რისკების ანალიტიკოსი
 

GAU-ში 2011 წელს ჩავირიცხე ბიზნესის ადმინისტრირების ფაკულტეტზე და ავირჩიე Quant (რაოდენობრივი ფინანსების) მიმართულება. სწავლა არც ისე მარტივი აღმოჩნდა, თუმცა ერთმანეთის დახმარებით, მე და ჩემმა ჯგუფელებმა შევძელით მასალის წარმატებით ათვისება.

მე-4 კურსზე ვიყავი, როცა  საქართველოში პირველად ჩატარდა ჰარვარდის უნივერსიტეტის მიერ შედგენილი ბიზნეს ქეისების ამოხსნის კონკურსი ''Harvard Business Case Competition”, რომელშიც 5 უნივერსიტეტი მონაწილეობდა. ამ კონკურსზე, GAU-ს მე და ჩემი სამი ჯგუფელი წარმოვადგენდით. მოგვიწია რამდენიმე ქეისის ამოხსნა, საბოლოოდ კი, ფინალში წარმოდგენილი ამოხსნისა და პრეზენტაციის შემდეგ გავიმარჯვეთ და გავემგზავრეთ ბაქოში, კონკურსის საერთაშორისო ეტაპში მონაწილეობის მისაღებად. გამარჯვება ქეისების რთული და საინტერესო ამოხსნის გზით მოვიპოვეთ, რომელიც მკვეთრად განსხვავდებოდა სხვა უნივერსიტეტის ამოხსნებისგან.

მე-4 კურსის ბოლოს სტაჟირება დავიწყე სს „თიბისი ლიზინგში“ საკრედიტო დეპარტამენტში, სტაჟირების დამთავრების შემდეგ ვმუშაობდი ლიზინგის პროექტების მენეჯერად, ამჟამად, ვარ საკრედიტო რისკების ანალიტიკოსი.

2016 წელს ჩავირიცხე GAU-ში სამაგისტრო პროგრამაზე, სწავლა კვლავ Quant მიმართულებით გავაგრძელე. 

GAU სტუდენტს აძლევს ბევრ შესაძლებლობას. მთავარია, გადაწყვიტო რისი გაკეთება გინდა და მოინდომო, GAU-ში მიღებული ცოდნა კი აუცილებლად დაგეხმარება არჩეულ გზაზე წარმატების მიღწევაში.