GAU-ს კურსდამთავრებულები

ადამიანის უფლებათა საერთაშორისო ინსტიტუტი

"2011 წელს გავიარე სტაჟირება ქართულ-ამერიკული უნივერსიტეტის სამართლის, სოციალური მეცნიერებების და დიპლომატიის სკოლის იურიდიულ კლინიკაში, სადაც ჩემი ცხოვრება რადიკალურად შეიცვალა. 2012 წლის ზაფხულში სტრასბურგში გავიარე კვალიფიკაციის ასამაღლებელი კურსი "International and Comparative Law on Human Rights"..."

პროფესორები და ლექტორები

2011 წელს ჩაირიცხა Queen Mary University of London-ის სამართლის სამაგისტრო პროგრამაზე და გახდა აღნიშნული უნივერსიტეტის სტიპენდიანტი (100% გრანტით). ლონდონში წარჩინებით დაამთავრა LLM, რომლის ფარგლებშიც გაიარა შემდეგი მოდულები: ადამიანის უფლებათა საერთაშორისო სამართალი, საერთაშორისო და შედარებითი სოციალური იუსტიცია...

ახალი პროექტის - „CERTUS“

პირველ რიგში, დიდ მადლობას გიხდით იმისათვის, რომ ჩვენთან თანამშრომლობის სურვილი გამოთქვით ცენტრის ახალი პროექტის - „CERTUS“-ის ფარგლებში.

როგორც უკვე იცით,  პროექტი „CERTUS“-ი, ერთი მხრივ, ორგანიზაციების (კერძო კომპანიები, უმაღლესი სასწავლებლები და ა. შ.) მოთხოვნებისა და, მეორე მხრივ, ამ სექტორში საქმიანობისა თუ სწავლის გაგრძელების მსურველთა საჭიროებების გათვალისწინებით შეიქმნა და ითვალისწინებს კანდიდატთა შერჩევისა თუ კომპეტენციების დადასტურების სრული, კომპლექსური და მეთოდოლოგიურად გამართული სერვისის დანერგვასა და შესაბამისი სერტიფიკატის გაცემას.

პროექტი სამაგისტრო ან სადოქტორო პროგრამებზე სწავლის გაგრძელების მსურველებისთვისაც მნიშვნელოვანია -"CERTUS"-ის ფარგლებში გაცემული უცხოური ენის სერტიფიკატის მფლობელებს ენის გამოცდის ჩაბარების ვალდებულება აღარ ექნებათ შემდეგი უმაღლესი სასწავლებლების: თბილისის სახელმწიფო უნივერსიტეტის, ილიას სახელმწიფო უნივერსიტეტის, საქართველოს ტექნიკური უნივერსიტეტის, ქართულ-ამერიკული უნივერსიტეტის, საქართველოს დავით აღმაშენებლის სახელობის უნივერსიტეტის (სდასუ) და შავი ზღვის საერთაშორისო უნივერსიტეტის სამაგისტრო და სადოქტორო პროგრამებზე სწავლის გასაგრძელებლად.

იმისათვის, რომ პროექტის შესახებ ინფორმაცია კიდევ უფრო ხელმისაწვდომი გახდეს  სტუდენტებისათვის, მაგისტრანტობისა და დოქტორანტობის პოტენციური კანდიდატებისათვის, გთავაზობთ თქვენს საინფორმაციო სივრცეებში შესაბამისი ინფორმაციის განთავსების სანაცვლოდ (ინტრანეტი, საინფორმაციო სისტემა, შიდა გვერდები, სოციალური ქსელი და ა. შ.) ცენტრის FACEBOOK გვერდზე ერთი საგანმანათლებლო ხასიათის ინფორმაციის განთავსებას/გაზიარებას ან ასეთივე ხასიათის ერთი SMS-ის გაგზავნას აბიტურიენტთათვის. 

განსათავსებელი ინფორმაცია: მაგისტრანტობისა და დოქტორანტების კანდიდატებს შეუძლიათ უცხოური ენის გამოცდის ჩაბარების ნაცვლად შეფასებისა და გამოცდების ეროვნული ცენტრის პროექტის - „CERTUS“-ის ფარგლებში გაცემული ენის სერტიფიკატი წარმოადგინონ. დეტალური ინფორმაციისათვის ეწვიეთ:

http://naec.ge

https://online1.naec.ge/certus

ველოდებით თქვენს გამოხმაურებას.