GAU-ს კურსდამთავრებულები

ეროვნული ბანკი

ამავდროულად გავხდი ეკონომიკურ საკითხთა კომიტეტის თავმჯდომარე საქართველოს ახალგაზრდულ პარლამენტში. ამჟამად ვმუშაობ საქართველოს ეროვნული ბანკის საბანკო ზედამხედველობის დეპარტამენტში. ყოველდღიური საქმიანობის წარმატებით შესრულებაში კი სტუდენტობის დროს...

პროფესორები და ლექტორები

ირმა ღარიბაშვილი იყო სწავლებისა და სწავლის თანამედროვე მეთოდოლოგიების საკითხებში თრეინერი, ტასის ტემპუსის პროექტის "ტუნინგის მიდგომები საქართველოს უმაღლეს სასწავლებლებში“ ჯგუფის წევრი...

დადუნა ხუციშვილი

ქართულ-ამერიკული უნივერსიტეტის ლექტორი
მიმართულება: ინგლისური ენა

დადუნა ხუციშვილს დამთავრებული აქვს თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი, სპეციალობა: ინგლისური ენა და ლიტერატურა. კონკურსის საფუძველზე გაგზავნილ იქნა ამერიკის შეერთებულ შტატებში, სადაც დაეუფლა ამერიკული ინგლისური ენის სწავლების მეთოდიკას. შავი ზღვის საერთაშორისო უნივერსიტეტის ამერიკისმცოდნეობის ფაკულტეტის დამთავრების შემდეგ დაიცვა დისერტაცია ,,შეერთებული შტატების საგარეო პოლიტიკა საქართველოს მიმართ“ და მიენიჭა ჰუმანიტარულ მეცნიერებათა დოქტორის აკადემიური ხარისხი. 2011 წელს მიღებული აქვს CELTA-ს –მოზრდილთათვის ინგლისური ენის სწავლების კემბრიჯის უნივერსიტეტის სერტიფიკატი.

დადუნა ხუციშვლი მონაწილეობს ამერიკისმცოდნეობის საერთაშორისო სამეცნიერო კონფერენციებში, გამოქვეყნებული აქვს ხუთი სამეცნიერო ნაშრომი, ხოლო მისი დისერტაციით დაინტერესდა LAMBERT Academic Publishing, რომელმაც გამოსცა ის წიგნად აშშ–ში, სახელწოდებით: ''United States Foreign Policy Toward Georgia'' – (Why EU Countries Should Be Interested in Georgia).

დადუნა ხუციშვილი არის ენერგიული, მოტივირებული და სურს ახალგაზრდა თაობას მაღალ დონეზე შეასწავლოს მსოფლიოში ნომერ პირველ საერთაშორისო ენად აღიარებული ინგლისური ენა.

მისი ინტერერესები: გეოპოლიტიკა. უყვარს მხატვრული ლიტერატურა, მეგობრების დახმარება რთულ სიტუაციებში გამოსავლის პოვნასა და პრობლემების გადაჭრაში, მოგზაურობისას ახალი ადგილების აღმოჩენა.