• დეკანის მისალმება ინფორმატიკისა და ინჟინერიის სკოლა

GAU-ს კურსდამთავრებულები

საქართველოს ეროვნული ბანკი

"მეორე კურსის დასასრულს გავიარე ტესტირება და გასაუბრება საქართველოს ეროვნულ ბანკში, სადაც იმავე ჯგუფის 5 სტუდენტი ფინანსური ბაზრების დეპარტამენტში 3 თვიანი კონტრაქტით დაგვასაქმეს. მას შემდეგ, რაც სტაჟირების ვადა ამოიწურა, ეროვნული ბანკის წარმომადგენლებმა გადაწყვიტეს ჩვენთან გრძელვადიანი თანამშრომლობის ხელშეკრულება გაეფორმებინათ..."

პროფესორები და ლექტორები

დავით ჯანყარაშვილმა წარმატებით დაამთავრა საქართველოს ტექნიკური უნივერსიტეტის სამშენებლო ფაქულტეტი, სწავლობდა კ.ზავრიევის სახელობის სამშენებლო მექანიკის და სეისმომედეგობის ინსტიტუტში, ხარისხი კი დაიცვა ქ. ვილნიუსის სამშენებლო ინსტიტუტში...

დეკანის მისალმება

 
მაქვს პატივი მოგესალმოთ ქართულ-ამერიკული უნივერსიტეტის (GAU) ინფორმატიკისა და ინჟინერიის სკოლის სახელით!
 
ბოლო წლებში მთელი მსოფლიოს მასშტაბით უსწრაფესი ტემპით განვითარდა ინფორმაციული ტექნოლოგიებისა და ინჟინერიის მიმართულებები. ეს სფერო საქართველოშიც პრიორიტეტულია როგორც ბიზნესის სექტორში, ასევე სახელმწიფო სტრუქტურებში. 
 
ჩვენ მუდმივად ვაანალიზებთ ბაზრის ტენდენციებს, რომ ჩვენმა სტუდენტებმა მიიღონ თანამედროვე და აქტუალური ცოდნა, იყვნენ კონკურენტუნარიანები. GAU-ში მაღალკვალიფიციური კადრების მოსამზადებლად ყველა პირობაა შექმნილი. სტუდენტი თეორიულ განათლებასთან ერთად იღებს პრაქტიკულ გამოცდილებას, პროფესიული ინგლისურის სრულყოფილ ცოდნას. ამას ემსახურება პროფესიონალ და პრაქტიკოს ლექტორთა გუნდი, თანამედროვე სტანდარტებით აღჭურვილი ლაბორატორიები, მდიდარი ელექტრონული ბიბლიოთეკა და სხვა. ამასთანავე სტუდენტებს ვთავაზობთ არჩევით საგნებს, რომ დამატებითი ცოდნის მიღების საშუალება მათთვის საინტერესო მიმართულებებში ჰქონდეთ.
 
შედეგად საინფორმაციო ტექნოლოგიებისა და ინჟინერიის მზარდ ბაზარზე ჩვენი კურსდამთავრებულები ადვილად საქმდებიან მათთვის სასურველ, პრესტიჟულ და მაღალანზღაურებად სამუშაო ადგილებზე.
 
ჩვენ მზად ვართ ვუპასუხოთ თანამედროვე გამოწვევებს, შემოგთავაზოთ ბაზრის მოთხოვნებზე ორიენტირებული ცოდნა, ხელი შეგიწყოთ მუდმივი განვითარებისთვის საჭირო უნა-ჩვევების გამომუშავებაში. თქვენგან კი სწავლას, მაქსიმალურ ჩართულობას და საკუთარი პოტენციალის გამოვლენას ველით.

კონსტანტინე კულიჯანოვი, გაუ-ს ინფორმატიკისა და ინჟინერიის სკოლის დეკანი

 

გისურვებთ წარმატებას!

კონსტანტინე კულიჯანოვი
ინფორმატიკისა და ინჟინერიის სკოლის დეკანი