GAU-ს კურსდამთავრებულები

პსპ

2013 წელს გავხდი ქართულ-ამერიკული უნივერსიტეტის ბიზნესის სკოლის კურსდამთავრებული, ფინანსების განხრით. GAU-მ მომცა საშუალება მიმეღო საფუძვლიანი განათლება ბიზნესის ადმინისტრირების დარგში. სხვა უნივერსიტეტებისაგან განსხვავებით, GAU-ს უპირატესობა, ამერიკულ სტანდარტებზე...

პროფესორები და ლექტორები

2006-2008 წლებში ნინო სწავლობდა ქართულ-ამერიკულ უნივერსიტეტში და 2009 წელს მიიღო ბიზნესის ადმინისტრირების მაგისტრის საერთაშორისო წოდება. 2008 წლიდან ნინო უგულავა არის საკონსალტინგო კომპანია "ალტერჯგუფის" გენერალური დირექტორი, 2005 წლიდან საქართველო-შვეიცარიის ბიზნეს ასოციაციის, ხოლო 2011 წლიდან ქალთა საერთაშორისო ბიზნეს ასოციაციის დამფუძნებელი და გამგეობის წევრი...

THANKSGIVING 2016

22 ნოემბერს (2016) GAU-ში ამერიკული ეროვნული დღესასწაული - მადლიერების დღე - აღინიშნა. აქცია „მადლიერება ძალაა“ სახალისო შეხვედრის, მუსიკის, ქველმოქმედების, სიმბოლური თეატრალიზებული პერფორმანსისა და მადლიერების გამოხატვის ტრადიციის დამკვიდრებას ემსახურებოდა.

GAU-ს პრეზიდენტს, რ. მაიკლს ქაუგილს, რომლის გამოსვლაც მადლიერების დღის ტრადიციის თემას მიეძღვნა, GAU-ს სტუდენტებმა ახალი თანამდებობდა - საქართველოში ამერიკის სავაჭრო პალატის პრეზიდენტის პოსტი მიულოცეს და გადასცეს სიმბოლური საჩუქარი წარწერით: Double PresidenT – Double Citizen. GAUელებს ეს დღე საქართველოში ამერიკის ელჩის მოადგილე ნიკოლას ბერლინერმა მიულოცა, გაესაუბრა ამერიკელ კადეტებს, რომლებიც GAU-ში ერთსემესტრიან სასწავლო კურსს გადიან. ღონისძიებას მუსიკალურად ტრადიციულად GAUბენდი აფორმებდა, რომელიც ახალი წევრების არჩევის შემდეგ კიდევ უფრო მრავალფეროვან რეპერტუარს გვთავაზობს.

საქველმოქმედო გამოფენა-გაყიდვაზე სხვა ხელნაკეთ ნივთებთან ერთად წარმოდგენილი იყო უსინათლო მხატვრის გიორგი ქობელაშვილის ნახატები. იმის გათვალისწინებით, რომ მადლიერების დღესასწაული თავისი არსით ქველმოქმედებასა და მიუსაფართა დაპურებას უკავშირდება, შემოსული თანხით GAU-მ ღონისძიების შემდეგ საერთაშორისო ჰუმანიტარული კავშირის „კათარზისის“ ბენეფიციარებს უმასპინძლა. სტუდენტები აქტიურად ჩაერთნენ ვიქტორინაში მადლიერების დღის თემაზე და სიმბოლური საჩუქრებით დაჯილდოვდნენ. რამდენიმე მათგანმა საჯაროდ გამოხატა მადლიერება და ყველა სტუმარი ჩაერთო სიმბოლურ ცერემონიაში - ჰელიუმის ბუშტებზე წარწერები გააკეთეს და ცაში გაუშვეს საკუთარი სურვილები თუ მადლიერება.

ამ დღეს ამერიკული ტრადიციაც შესრულდა - მსახიობების მიერ წარმოდგენილი პერფორმანსის შემდეგ, რომელიც ქართველი გადარჩენილი ბატი ტასიკოსა და ამერიკიდან გამოქცეული ინდაურის დამეგობრების ამბავს მოგვითხრობდა, GAU-ს პრეზიდენტმა ეს ინდაური შეიწყალა და ამერიკის ელჩის მოადგილესთან ერთად ინდაურის ფორმის საზეიმო ტორტი დაჭრა. მადლობას ვუხდით ყველა სტუდენტს, რომელიც აქციის ორგანიზებასა და შესრულებაში ჩაერთო და ყველას გისურვებთ მადლიერების ძალას <3 GAUზიარე მადლობა - მადლიერება ძალაა!